Infertiliteti është përcaktuar si pamundësia për të arritur shtatzëni pavarësisht nga marrëdhëniet e rregullta dhe të pambrojtura për një vit.
Njësia që përqendrohet në trajtimin e infertilitetit quhet Qendra e Riprodhimit të Asistuar. Gjinekologët, urologët, doktor të gjenetikës mjekësore, embriologët, psikologët, biologët dhe infermierët punojnë në njësinë, e cila merret me trajtimin e çifteve që nuk mund të mbeten shtatzënë përmes mënyrave natyrore. Duke marrë parasysh shumëllojshmërinë e arsyeve themelore, ky departament punon në bashkëpunim me disiplina të tjera mjekësore, sa herë që nevojitet.
Infertiliteti mund të shkaktohet nga faktori mashkullorë, faktori femërorë ose nga të dy faktorët. Faktorët mashkullor të infertilitetit përfshinë numrin e ulët të spermatozoideve, mungesën e spermatozoideve në spermë (azospermia), faktorë hormonalë, varikocelë dhe gjendje të ngjashme.
Nga ana tjetër, shembuj të faktorëve shkaktarë të femrave përfshijnë tubat e bllokuar Fallopiane, hiperprolaktinemia, endometrioza, antitrupat anti-spermatozoide, sindroma e vezoreve policistike, rezerva e ulët e vezëve, infeksionet gjenitale dhe aderimi i organeve intra-abdominal.
Hapi i parë që duhet ndërmarrë për një çift, i cili paraqitet me infertilitet, përfshin një egzaminim gjinekologjik gjithëpërfshirës, një egzaminim gjithëpërfshirës urologjik, anamnez mjekësore dhe familjare të burrit dhe gruas, analiza të hormoneve që mund të japin të dhëna në lidhje me infertilitetin, analiza të spermës, histeroskopia, pap smear test, dhe vlerësimi i dokumenteve në lidhje me provat e mëparshme në rast se ata kanë një histori të trajtimit të infertilitetit.
Rezervat e vezëve të gruas vlerësohen me analiza të hormoneve dhe ultrasonografi në ditën e tretë të ciklit menstrual. Hapi i parë synon të identifikojë saktësisht shkakun themelor të infertilitetit. Hapi i dytë fillon kur sqarohet se çifti është një kandidat i mirë për fekondimin in vitro.
Në fazën e dytë, vezoret stimulohen me një ilaç për të siguruar maturimin e folikulave. Çdo grua e shëndetshme lëshon vetëm një vezë në muaj, por ky ilaç synon që vezoret të lëshojnë më shumë se një vezë. Folikulat monitorohen me Ultrasonografi dhe jipet një ilaç tjetër për lirimin e vezës nga folikulat pasi ato të arrijnë një madhësi të caktuar. Faza e fundit është mbledhja e oociteve (mbledhja e vezëve) nën sedacion ose anestezi lokale.
Vezët e marra nga gruaja fekondohen me spermatozoide në laborator, nëse nuk ka ndonjë problem në lidhje me lëvizjen, morfologjinë ose numërimin e spermatozoideve. Nëse zbulohet ndonjë problem në spermatozoidë, është e nevojshme të transferohet sperma e bashkëshortit në vezë me një gjilpërë shumë të hollë në mënyrë që të sigurohet fekondimi.
Në të dy rastet, embrionet rezultuese vlerësohen nga një embriolog dhe zgjidhen embrione të shëndetshme. Nëse ka më shumë embrione të shëndetshme se sa duhen, embrionet ngrihen dhe ruhen për herët e ardhshme.
